«Тәуелсіздік- алтын қазынам» атты кітап көрмесі ұйымдастырылды

Жетісу облысы Панфилов ауданы Үшарал орта мектебінің мектеп кітапханасында 16 желтоқсан - Қазақстан Республикасының Тәуелсіздігі мерекесіне орай «Тәуелсіздік- алтын қазынам» атты кітап көрмесі ұйымдастырылып,   «Тәуелсіздік жетістіктері» тақырыбында оқырмандармен әңгіме өткізілді. Мақсаты: ел Тәуелсіздігінің мерекесіне байланысты оқырмандармен әңгімелесе отырып, оқушылардың бойына Отанға деген сүйіспеншілігін арттырып, елге, жерге құрметпен қарауға, патриоттық рухқа тәрбиелеу. Елін шексіз сүюге баулу, өз елінің жүріп өткен жолдарымен қысқаша таныстыру, осы мемлекеттің ұланы екенін мақтанышпен сезіне білуге бағыттау. Желтоқсан қаһармандарының ерліктерін үлгі қылып, тәуелсіздік ел ретінде жеткен жетістіктеріміз насихатталды. Оқырмандар өз ойларымен бөлісе отырып, тәуелсіз еліміздің болашағы жарқын болатынына сенетіндіктері айтылды.